Rock’n’rolla, umorea eta bertsioz jositako errepetorio bizia eskainiko digute El Gran Wyoming & The Insolventes bandak. 2 ordu non besteak beste The Beatles, The Who, Frank Zappa, Rory Gallagher, Siniestro Total, Leño, Jet, Lou Reed, Los Salvajes, Radio Futura, Cornershop edota Ramones moduko taldeen abestiak entzungo ditugu.
Los Insolventes taldea El Gran Wyoming, Miguel Ángel Ariza, José Alberto Solís eta Luis de Diego musikariek osatzen dute, 2009an sortu ziren eta beraien artista eta talderik gogokoenen bertsioak zuzenean egitea dute helburu.