Marcos Sendarrubias – Mud Candies

MARCOS SENDARRUBIAS
“Big Rumble Stomp” disko berria aurkezten

Big Rumble Stomp da Marcos Sendarrubiasen disko berria, Silver Jim Records estudioetan Jimmy GBRS-ek zuzenean grabatua. Oraingo honetan lagun izan ditu Pablo Prieto (Insaciables, Gwen & The Boppin Rhythms) baterian, Jesus Sanz (Tornados, The Nitemares) kontrabaxuan, Carlos A. Del Bosque (Uncle Charlie, Charlie Hightone & The Rock-It’s) gitarra bakarlari, Gwen (Gwen & The Boppin’ Rhtyms) ahots bakarlari, David Carrasco (Skarlatines) saxo baritonoan, Adela Torres (Folsom Prison Band) biolinean, Mark Polza (Los Vólidos) steel gitarran eta The Del Prince koroetan. Marcosen lanetan ohikoa denez, Ely Agramuntek egin ditu doinu nahasketak eta masterizazioa eta Antonio Alayk arte grafikoa. Diskoan Markosek bere lau konposaketa eskaintzen dizkigu rockabilly eta countryaren arteko moldeetan bai eta bi bertsio bikain.

MUD CANDIES

Azken aldian gure belarrietara heldu den EP originaletako bat. Bai estiloagatik zein emaitzaren kalitateagatik. Aurkezpeneko singlean, Mud Candies bilbotar hirukoteak bluegrass moderno kutsuko bost kanta sinatzen ditu, inguruko generoei, country, rockabilly eta swingari, etengabeko erreferentziaz beteak. Moldaketen aberastasunak, ahotsaren sentsualitateak eta sokek sortzen duten erroetako giroak, eman die Xandra (ahots nagusia, ukelele, perkusio txikiak), Will (gitarra, bonbo, ahotsa) eta Adri-ri (kontrabaxua, pandereta, ahotsa) lau sari Bilbo Hiria sariaren azken edizioan: Letamina saria, FNAC saria, “Stereozona” bideoklip saria, epaimahaiaren sari berezia.