Paul Nicholson – David Garnatxo: “Elikadura, negozioa ala denon eskubidea?”

HITZALDIA: “Elikadura, negozioa ala denon eskubidea?”
– PAUL NICHOLSON (Via Campesina–EHNE Bizkaia)
– DAVID GARNATXO (Landare-ko arduraduna)
– Aurkezle-moderatzailea: AIDA FERNANDEZ (Labore-ko kidea)

Egungo testuinguruan, elikadura burujabetza Euskal Herrian, eta Bilbon zehatzago, gogoetarako marko bat eskaintzea dugu xede: gaurko nekazaritza industriala jasangarria da? Iraungarria da? Elikadura negozio bihurtzeak nora garamatza? Alternatibarik badago? Teorian sakontzeko, eta baita praktikaren bitartez erantzun posibleak atera nahiko genituzke, aurkezturiko mahai-inguru hauekin. Zer iruditzen?
Gaiak gaurkotasuna eta garrantzia badu, hori agerikoa da. Hainbat norbanako eta eragile murgilduak daudela ikustea baino ez dago horretaz jabetzeko. Gure partetik, elikadura burujabetzaren inguruko ezagupena zabaltzeko eta eztabaida sustatzeko ekimena garatzeko baliabide izan nahiko genuke ekimen honen bidez.