Xamar: “Urtearen beste muga: Sanjuanak”

Antzinatik, naturan bizi izan diren beste herriek bezala, solstizioa ospatzen zuten euskaldunek; kultura guztiek ospatu izan dituzte aldaketa horiek, gerora Elizak kristautu egin zituenak. Gaur egun “Sanjuanak” izenarekin ezagutzen dugun festa honen jatorriaz, suaren eta beste elementu batzuen esanahiaz, eta oro har euskara jendearen tradizio eta ospakizunez arituko zaigu Xamar; irakaslea ofizioz, dibulgatzailea ekinbidez, euskararen historiaz erreferentziazko hainbat liburu idatzi ditu, hala nola, Orhipean; gure herria ezagutzen, Orekan: herri eta hizkuntzen ekologiaz edo Euskara Jendea: gure hizkuntzaren historia, gure historiaren hizkuntza. Azken liburu horretan oinarritutako izen bereko dokumental sorta gidatu eta argitaratu du berriki.