Prentsaurrekoa: Iñigo Gogoan Herri Ekimena

PRENTSAURREKOA: IÑIGO GOGOAN HERRI EKIMENA
Badira sei urte Iñigo Cabacas hil zutenetik. Iñigo Gogoan Herri Ekimena, Iñigo Cabacas Liceranzu gaztea ertzaintzak jaurtitako pilotakada baten ondorioz hil zenean osatu zen, heriotza horrek gizartean sortu zuen ezinegonari bide emate aldera. Denbora honetan guztian Iñigo Gogoan Herri Ekimenatik poliziaren jardunagatik heriotza gehiagorik ez gertatzea izan da gure motibazioa. Eta horrekin batera, Iñigoren erailketa zigorgabe ez geratzea. Eta egoera hau berriro gerta ez dadin gure eskuetan dagoen guztia egitea. Agerikoa denez ez da horrela izan eta seigarren urteurrena izango den honetan oraindik ez dago epaiketarik ere eginda.