FRAC (Fundación de Raperos Atípicos de Cádiz) + Alsalalata Sound

F.R.A.C. (Fundación de Raperos Atípicos de Cádiz) + ALSALALATA SOUND
F.R.A.C. edo Fundacion de Raperos Atipicos de Cadiz, egitasmo bat da, nolabait esan musikari lotua, RapDubMancero Gaditancehall estiloaren aitzindaria… hau da cadiztar erromantze-bilduma estiloko errimak, dub, dancehall eta rap instrumentaletan txertatuak. FRACen zuzeneko batean hainbat detaile antzeman daitezke, ikus dezakezu zenbat gustatzen zaien rub’a ‘duba, baina baita ere gastronomia, ikus dezakezu nola Linton Kwesi Johnson, Faly Mosquera, Public Enemy, Manolín Galvez, Lady Saw, David Vidal, Los Balconeti, Lee Perry, La Polla Records, El Nazareno del Amor eta Mad Proffesor bateragarriak diren… Polemika da ere beraien ezaugarrietako bat, FRAC immolatzen (musika zentzuan) den talde horietako bat da, eta letretan gogor astintzen dutenetakoa; neurrigabekerietan erori gabe ere mezu zuzen baina ireki bat daramate, batzuentzako guztiz beharrezkoa baina erabat toxikoa. FRAC 400 emanalditara iritsiko da 2016an, azken 9 urtetan eginikoak, gehienak Andaluzian baina baita ere Katalan Herrietan, Madrilen, Extremaduran… FRACek ehun kanta inguru ditu sareetan eskegita eta ez du bere sorkuntzatik atsedenik hartu, beraien kanta eta bideoetako batzuk, Youtuben, ehun mila bisita baino gehiago jaso dituzte, baten batek miloi erdia gainditu duelarik ere, eta Facebook eta Twitteren milaka jarraitzaile dituzte.