Hypnos – Prisma Circus

HYPNOS (Boogie rock. Suedia) – PRISMA CIRCUS (Heavy Psych Rock.Catalunya)


Judas Priest, Thin Lizzy eta Deep Purple taldeen eraginpean sortutako Suediako Hypnos heavy rock taldeak boogie rock doinu biziak jotzen ditu. 2013an Gothenburg hirian hasi zuten euren ibilbidea eta bere estreineko diskoa plazaratu dute Crusher records zigiluarekin.

Prisma Circus Bartzelonako taldeak heavy psikodelikoa jorratzen du. 2010an sortzen da hirukotea eta 2013ko udan estreineko diskoa, “Reminiscences” , grabatu zuten ordenagailuak ekidinez, euren 60 eta 70eko hamarkadetako gustuko taldeen antzeko soinua lortzeko asmoz.