“Etxekoak”
Ekoizpena: JON GEREDIAGA ARTEDRAMA eta HUTS TEATROA

«Ezin da edonor etxean sartu. Hala dio legeak.
Maddik Mamadou maite du. Halaxe dio bihotzak»
«Euskal Herriko etxe batean gertatzen dira ekintza guztiak».

Esaldi soil horiexekin iragarri du Huts Teatroak “Etxekoak” antzezlana. Ander Lipusen proiektu pertsonaletarako kabia da Huts Teatroa, “Publikoari Gorroto” (XIII. Donostia Antzerki Saria) lanarekin abiatu eta honakoa bigarren emaitza duena. Bere obra berria, Lipusi berari gertatutako eta munduko edozein lekutan jende askori gertatzen zaizkion egoera errealetatik habiatzen da. Etxekoak inmigrante bat etxean hartzeko zailtasun eta mesfidantzei heltzen die bertako bizilagunen ikuspuntutik.
Jon Gerediagaren testua eta Ander Lipus-en zuzendaritza duen obran, hauxek dira Gerediaga eta Lipusen etxekoak:

MADDI: Neska gazte euskalduna. Mamadourekin maiteminduta dago.
GOIO: Maddiren osaba tentela.
IMANOL: Goioren anaia. Maddiren osaba.
AMAMA: Maddiren amama, Goio eta Imanolen ama.