Lambchop

Kurt Wagner lider duen banda ezinbesteko erreferentzietako bat da Ipar Amerikako musikaz aritzen denean. Country alternatibotik gertu baina marka zehatz bat sortzeko besteko pertsonalitatea izanik, Lambchop Kurt Wagner musikagile nagusiaren inguruan joan da mudatzen beti, eta azken urteotan soul eremuetarantz jo dute, baina bere egin duten irrika dramatikoari eutsiz.

 Orain ibilbide bikaineko 25 urte betetzen dute; hasieran publiko txikien aurrean, baina denboraren poderioz euren entzuleen kopurua izugarri handitu da. “Nixon” eta “Is a woman” kantak, besteak beste, oso txalotuak izan dira; abesti horiekin hain zuzen konposizio- eta interpretazio-heldutasuna lortu zuen bandak, eta harrezkero ez du galdu. Zuzenean, Lambchop handiak dira, eta harribitxiz jositako errepertorioa dute. Garai honetako klasikoak!