Muchachito Bombo Infierno
Eguna/Ordua
2015/10/30
ostirala
22:00
Ateak eta txarteldegia 21:30ean zabalduko dira.
Sarrera: 15€ (Kafe Antzokia, www.codetickets.com)
Diskorik argitaratu barik 5 urte eman ostean, Muchachito estudioko laugarren lana grabatzen bukatzen dabil, 2016ko udaberrirako kaleratuko duena, berriz ere autoeditatua. Baina horren aurretik, 2015 errepidean amaitu nahi du, eta “La Maqueta” izeneko bira txikian disko berriko kantak aurreratuko dizkigu. Muchachitok orkestra-gizon baten moduan aurkeztuko digu “La Maqueta”, hainbat musika tresnak lagunduta: bere dunbala, gitarrak, teklatua, Loop Station… Festa giroko bertatik bertarako ikuskizun itzel honetan, kanta berriak aurkezteaz gain, jendeak entzun eta dantzatu nahi dituen abestirik gogokoenak ere eskainiko dizkigu.
