Pink Tones: Steel Breeze Pink Floyd Show 2015

PINK TONES: “STEEL BREEZE” PINK FLOYD SHOW 2015
“Steel Breeze 2015” Pink Tonesen “One of these Days 2014” aurreko tour arrakastatsuaren jarraipen logikoa da. Kalitatea, zintzotasuna eta ukitu berezia ematen diete ikuskizunei, eta publikoak erantzun egin du aurreko biran. “Steel Breeze” ia 3 orduko bidaia izugarria da, Pink Floyden diskografiako onenean murgiltzen dena, eta entzulea unibertso onirikoetara eramango duena. “Steel Breeze” betegarririk gabeko Pink Floyd da, eta asmorik handiena duen Pink Tonesen bira da orain arte. Ikuskizun hau xehetasunez izan da diseinatua eta zaindua, musika ona maitatzen dutenei sentiarazi eta gozarazteko asmoz, sormenik handiena izan duten XX. mendeko bandetako bat den Pink Floyden zaleak izan ala ez.