Zine txokoa: “Munduaren bira, doan!”

Asisko Urmenetak eta Juanjo Elordik zuzendutako animazio-filma da “Munduaren bira, doan!”, apirilean Zine txokoan ikusiko dugun pelikula: Gizabananok Londonerako hegaldi bat aurkitu du interneten, doan… Doan! XXI. mendeko hitz magikoa da hori! Baina koadrilako liderrari, Bildotsori, huskeria irudituko zaio. Berak nahi balu Txinaraino ere joango litzateke doan. Are gehiago, munduaren bira ere egingo luke, doan eta 80 egunean. Harrokeria bat gehiago izango zen, Kebabek apustu egin izan ez balio. Eta behin apustua eginda… koadrila osoa berarekin hartu eta bidaia egin behar: batek bidaia erromantikoa egin nahi zuen, besteak erotikoa, baina komiko-dramatiko-esperpentikoa aterako zaie…   Apustua zeinek irabaziko duen… esango nizuke… baina ez da zuk pentsatzen duzuna… ez da ez esatearren, e, baina Bildotsok berak hobeto azalduko dizu…

Hemen, Jabi Zabalak eta Patxi Gaztelumendik zuzendariei egindako elkarrizketa, Bilbo Hiria irratian.